Video
Read full review
2023-08-05
1512 views
♡ —————— 𝗗𝗲𝘁𝗮𝗶𝗹𝘀 —————— ♥️【餐廳】派龍殿【地區】#Dr_eat_元朗【價位】低價位【用餐時段】晚市 星期三【餐廳主打】#Dr_eat_放題 #Dr_eat_韓式────────────────────【環境/服務/衛生/讚一讚】裝修風格呈現代工業風，以黑色同灰色為主色調。餐廳燈光較暗，座位寬敞，空間感十足，近門口位有個巨型鑽石打卡位～地理位置吾算方面，但係朗屏站坐循環線K68係御庭居落，直頭係正餐廳門口.【晚市燒烤自助餐 $238/位成人】星期一至五有三種不同價位，分別係 $168 (7:00前離座)，$238(2.5小時任食)，$178 (9:15後入座)，自助餐主打韓式燒烤，另外仲有熟食，壽司，凍食，鐵板燒，熟食，甜品，飲品，雪糕等。.【韓式燒烤區】燒烤配料超過二十款，有蟹柳，南乳雞翼，原味雞翼，原味豬扒，腸仔，龍脷柳，金沙骨，牛仔骨，魷魚鬚，雞軟骨等，足夠滿足我嘅燒烤癮,【壽司區】壽司款式吾算多，例如有熟蝦壽司，三文魚壽司，但勝在件件都係獨立包裝。經過Covid 19呢一疫，大家嘅衛生意識都提高左吾少，獨立包裝真係令人安心不少.【凍食區】凍食區有青口，凍蝦
♡ —————— 𝗗𝗲𝘁𝗮𝗶𝗹𝘀 —————— ♥️
【餐廳】派龍殿
【地區】#Dr_eat_元朗
【價位】低價位
【用餐時段】晚市 星期三
【餐廳主打】#Dr_eat_放題 #Dr_eat_韓式
────────────────────
【環境/服務/衛生/讚一讚】
裝修風格呈現代工業風，以黑色同灰色為主色調。餐廳燈光較暗，座位寬敞，空間感十足，近門口位有個巨型鑽石打卡位～地理位置吾算方面，但係朗屏站坐循環線K68係御庭居落，直頭係正餐廳門口
.
【晚市燒烤自助餐 $238/位成人】
星期一至五有三種不同價位，分別係 $168 (7:00前離座)，$238(2.5小時任食)，$178 (9:15後入座)，自助餐主打韓式燒烤，另外仲有熟食，壽司，凍食，鐵板燒，熟食，甜品，飲品，雪糕等。
.
【韓式燒烤區】
燒烤配料超過二十款，有蟹柳，南乳雞翼，原味雞翼，原味豬扒，腸仔，龍脷柳，金沙骨，牛仔
骨，魷魚鬚，雞軟骨等，足夠滿足我嘅燒烤癮
,
【壽司區】
壽司款式吾算多，例如有熟蝦壽司，三文魚壽司，但勝在件件都係獨立包裝。經過Covid 19呢一疫，大家嘅衛生意識都提高左吾少，獨立包裝真係令人安心不少
.
【凍食區】
凍食區有青口，凍蝦，凍蜆等，特別推薦青口同凍蝦，前者肉質彈牙，散發出濃郁嘅海洋氣息，後者保持新鮮既口感同甜美，肉質緊實而有彈性
,
【鐵板燒】
估吾到晚市竟然有即叫即炒鐵板燒，呢點好Surprise呀！有鐵板炒海鮮，鐵板海鮮炒飯等，店員仲好樂意幫忙加多D 蔥花同蒜蓉添！再晏D仲有蒜蓉燒扇貝，記得睇實時間啦
.
鐵板炒海鮮：將魷魚，蜆肉，椰菜，洋蔥等炒香，十分惹味
.
鐵板海鮮炒飯：炒飯粒粒分明，乾身香口，加上蛋花，海鮮等，忍吾住再Encore
.
【熟食區】
即炒小菜都有數十款，Refill速度幾快，呢點值得一讚👍 有薑蔥雞，麻辣牛肉，鯪魚肉炒油麥菜，炸餃子，最中意既就係麻辣小龍蝦🤣隻隻小龍蝦都充滿辛辣既麻辣醬汁，令人上癮。值得一提，每隔一段時間都會轉一轉新菜式架～
.
【甜品及雪糕區】
最吸引我嘅就係個DIY麥旋風雪糕機，雪糕杯裝滿雪糕後，再加入Oreo 碎，將特製嘅匙羹插入旋風機轉幾下就完成啦！個人就最中意加多d Oreo 碎，真係啖啖都超正！另外仲有雪糕筒同杯添～另外仲有DIY棉花糖，爆谷，迷你Cake等，小朋友見到一定好開心
.
【整體用餐感/價錢】
人均2百幾可以任食2.5小時，款式不少仲有不同Surprise，特別係麥旋風雪糕已經係冇得輸，食過咁多間放題店，只見呢間有😂呢個價錢值得我再次回訪～
────────────────────
•• ┈┈┈┈┈ 𝗦𝗘𝗘 𝗠𝗢𝗥𝗘 ┈┈┈┈┈ ••
【地址】元朗馬田路80號御庭居地下6-7號舖
【分店】N/A
【℡】91980263
【營業時間】N/A
.
以上只為我當時食用後作出的個人意見，請留意口味/款式/用餐感等會因應不同人及時間而變，如有不同，敬請見諒。
Post
