Video
Read full review
2023-03-02
139 views
眼見有其他人介紹依間粉果佬，咁啱去觀塘，一於試吓佢係咪真係咁好味咁多人氣，巧明工廠大廈似係啱啱裝修，仲有啲執修喺餐廳門口，但係都冇阻其他人嘅排隊，只不過係6:00，出邊已經排咗10幾個人，心諗有冇咁多人想食😂。原來依間舖頭全手工整燒賣同埋粉果，見到入邊啲店員喺入邊落力咁包，只有一個店員喺門面負責裝嘢食同埋收錢，唔怪之得要等咁耐啦。希望係啱啱開舖頭，仲未熟悉啦，真係建議請多個負責收錢都好呀😵💫😵💫。燒賣4/5 $10$10有五粒燒賣，但係個個size都幾大粒，大個一般嘅魚肉燒賣好多嘅，肉質非常煙靭，估落多咗木薯粉定係糯米粉，造成呢個感覺同一般好唔同，唔係鬆散型嘅，又唔係硬骨骨。所以整體我覺得幾好😊😊。辣油同埋豉油恰到好處，唔會太乾，又唔會太油，仲有啲好香嘅辣椒味。地點:舖頭身處喺巧明工業大廈，即係安盛金融對面，人流都有嘅，相信平時打工仔落嚟督串燒賣都唔差。環境:有個大大嘅，招牌喺門口，一間小食店嘅形式，客人喺出邊係望到晒入邊嘅廚房工場，望到店員喺度整緊嘢食嘅。後邊有啲高枱可以比客人嗱嗱聲食完😉。價錢:平均兩蚊粒燒賣，但係佢都大大隻嘅，所以小編係接受到嘅👌🏼👍🏻。服務:唔計等得太耐嘅話
燒賣4/5 $10
$10有五粒燒賣，但係個個size都幾大粒，大個一般嘅魚肉燒賣好多嘅，肉質非常煙靭，估落多咗木薯粉定係糯米粉，造成呢個感覺同一般好唔同，唔係鬆散型嘅，又唔係硬骨骨。所以整體我覺得幾好😊😊。辣油同埋豉油恰到好處，唔會太乾，又唔會太油，仲有啲好香嘅辣椒味。
4 views
0 likes
0 comments
地點:
舖頭身處喺巧明工業大廈，即係安盛金融對面，人流都有嘅，相信平時打工仔落嚟督串燒賣都唔差。
環境:
有個大大嘅，招牌喺門口，一間小食店嘅形式，客人喺出邊係望到晒入邊嘅廚房工場，望到店員喺度整緊嘢食嘅。後邊有啲高枱可以比客人嗱嗱聲食完😉。
價錢:
平均兩蚊粒燒賣，但係佢都大大隻嘅，所以小編係接受到嘅👌🏼👍🏻。
服務:
唔計等得太耐嘅話呢，都冇留意太多嘢，見到店員雖然帶着手套，但係佢收錢同埋裝燒賣裝粉果，都係全程冇再做任何消毒，呢個係一個值得留意嘅情況🤫。
Post
