燒魂 (Closed)

燒魂認真夠晒銷魂，呢度最出名當然係食燒肉，有唔同嘅肉類俾你選擇，包括牛、雞同豬當然不可缺少，另外仲有蔬菜類同埋一啲鍋物，鍾意食熱食嘅朋友，喺呢個日式放題裏面就可以大吃大喝，大快朵頤。雞翼有好多唔同嘅味道有薑蓉有柚子，全部都係單骨雞翼。另外牛肉都有好多款式，居然有我鍾意食嘅牛舌，全部薄切慢慢燒，加埋薑蔥味道一流。呢度嘅鍋物值得一讚，最鍾意飲佢嘅牛腩清湯，一共飲咗兩碗，另外仲有個蜆湯用咗胡椒底加埋蘿蔔一片片好入味，食完之後成個人暖晒，蜆份量都多而且無沙，呢個蜆已值得我再來光顧！另外職員都推介我飲過三文魚頭湯，有好多蔬菜，另外三文魚頭都好出色。