上海小南國 (時代廣場) (Closed)

餐廳環境唔錯，可能因為平日關係，唔需要等就有枱，地方同餐具都清潔。我哋坐張枱喺走廊隔離，食緊嘢嘅時候成日有人推住d碗碟車經過，感覺唔係咁好。我哋叫咗個2人餐，有1個冷盤，加每人一個湯、一個小籠包、一個肉卷，有一碟蝦共有4粒(即係每人兩粒…哈哈)，一碟菜，同甜品有4件糕點，連茶芥加一共$690。食物質素一般，覺得除咗個湯比較熱之外，其他食物唔夠熱。我係屬於比較食得少嘢嘅人，我食咗個餐都唔夠，唔知其他人係咪咁喇。收費其實唔平，咁樣食物質素同份量，我應該唔會再幫襯。