LAB10 (Closed)

早幾日去朗豪坊睇戲，睇完戲行返落去搵野食，離遠見到呢間舖頭，開頭都睇唔出係餐廳，以為係Salon，行近啲先發現原來係餐廳嚟，俾佢嘅裝修吸引咗就望下餐牌，嘩！竟然係食韓燒，真係估唔到😂反正都係諗住搵野食，就俾次機會佢試下佢啦！我地二話不說就揀咗個兩個拼盤，分別係海鮮拼盤同特級1++韓牛拼盤！海鮮拼盤有大蝦、大帶子、生蠔、蜆、八爪魚鬚🐙！份量都盤幾多，價錢唔貴👍🏻而且好新鮮！大帶子真係好大隻，啖啖肉！蜆係超級鮮甜！冇得輸😋燒八爪魚鬚同蜆係最有趣味😂睇住啲鬚自己郁郁下曲埋一舊，睇住啲蜆一粒一粒開至於特級1++韓牛拼盤，就分別係「特級1++韓牛牛柳」、「特級1++韓牛肉眼」同「特級1++韓牛西冷」肉眼同西冷都好重牛味，肉眼好香好淋，有種入口即溶嘅感覺😋至少西冷就口感實在！一啲都冇輸洩俾肉眼👍🏻牛柳就真係啖啖都係肉，口感好正😂配埋生菜好正，呢到嘅生菜好靚我地仲叫咗一大支士多啤梨梳打share飲，見到個底到一粒粒士多啤梨核就知道佢係用士多啤梨搞爛再加梳打，而唔係出面個啲全部都係糖漿，所以甜度會比較低，比較淡口，但解渴一流👍🏻而且健康最後餐廳仲送咗菠蘿俾我地燒😍攞嚟消滯真係好好，我一