粵式生香蒸氣海鮮火鍋 (Closed)

之前一路都無試過蒸氣火鍋，因為覺得好無聊咁，只係將堆野蒸熟，無mug技巧可言。不過食完之後又覺得一試難忘，最原始最原汁原味既味道，諗呢個計仔既人真聰明！所以食呢類蒸氣火鍋最緊要食物夠鮮(質素、價錢)、服務夠好(態度)、配套夠好(計時、通風、座位)。而呢間火鍋點齊曬呢幾項元素，d老一輩個兩個員工好風趣，有個女員工態度都好，而且會幫你蒸，夾，等初次試蒸氣火鍋既我都可以放心曬。我地叫左個排骨粥底$98，要黎吸收日月精華，放最底層，所有其他海鮮肉類材料既精華都會滴曬落去，原來呢個粥水都唔洗加。之後我地叫左個海鮮拼盤＄648/5人份量，好抵食，除開一人都係$129到，有帶子、蟹、蝦、鮑魚、蜆、泥猛等。讚，所有海鮮有曬計時器又有工作人員guide住，一定蒸得岩岩火喉，唔會老得濟呢!!呢個扇貝有蒜容一齊蒸，超鮮同惹味。蜆，無沙，鮮甜。泥猛幾好，唔鐘意食魚既我都食曬成條，骨唔算多，而且好香果皮味。個安格斯肥牛＄148超靚，雪花均勻，入口牛味超重，而且滿口油脂香，強烈推介呢！好開心第一次蒸氣火鍋有好體驗，強烈推介呀