來發館粥底海鮮火鍋 (Closed)

中秋節近近地揀左太子呢間火鍋店同家人慶團圓，入場費每位$198全包，我地一行4人包一盤海鮮，入面有蝦，蟹，鮑魚，3款魚，2款花甲，超級大盤！然後每枱還可自選6款配菜，有肉有菜任選，火鍋底可選蕃茄湯或粥底，飲品自助形式自取任飲。海鮮盤一上枱大家都嘩一聲！真係好大盤，而且好新鮮，羔蟹就最吸引，多羔到我老豆雙眼發光可惜老人家唔可食咁多，等我幫佢消滅佢地啦先將海鮮續一放入鍋食左先，魚類特別新鮮肥美，肉質夠彈牙，而羔蟹多羔又鮮甜！老豆對於呢度既海鮮非常滿意。湯底不用特別調味，因為已經鮮味十足配料我地揀左肥牛，豬肉，雞，手打墨丸，魚肉同椎山。肥牛最出色，牛味濃又唔會太多肥膏。食到咁上下就可叫店員幫忙加粥同粥既配料入去鍋度，滾一滾食埋啖粥就最滿足喇！