台式火鍋湯底一共有9款 而且絕對沒有將貨就價 每一款都可以同出邊其他餐廳幾百蚊一鍋媲美😎
選擇困難症底下我哋決定試鴛鴦鍋 揀左蕃茄紅燒牛腩鍋同埋野菌竹笙素食鍋👅 蕃茄紅燒牛腩鍋湯底香濃牛味 仲有炆到腍哂嘅牛筋同牛腩👍🏻
野菌竹笙素食鍋係清甜嘅健康素菌湯 有多款野菌都好岩我口味😍
宜家follow 佢地社交平台仲會送一杯台式飲品 每兩位仲會送一份美國牛小排😍
1
我哋台式飲品揀咗水蜜桃紅茶同埋蜂蜜綠茶 啱晒打邊爐😚 
Scan QR code有自選火鍋配料 雖然唔係超級多選擇 但係肉類 海鮮等都有供應
仲有一啲台灣小食 例如炸魷魚鬚就非常香脆 仲有即叫即製嘅台式蛋餅 絕對抵食👍🏻
另外出邊仲有自助火鍋配料 熟食同埋炸物提供👅 自助火鍋配料都有幾多選擇 包括蔬菜 多款菌同埋台灣直送嘅丸類 分好晒一份一份 方便整潔😊
熟食有滷水小食 滷肉飯等等😎 而炸物有炸地瓜條 花枝丸 脆皮雞扒 甜不辣同芋香薯球等等 真係好似去咗台灣夜市咁😆
飲品方面都好多選擇 就算冷泡茶都有非常多款式 好吸引❤️
店員全部都好友善好主動 臨走前見到原來午餐$88就可以食到半自助套餐 有一款主食 然後自助熟食區同埋飲品都係任食 CP值非常高 大家快啲試吓🌟
