Video
Read full review
2018-02-17
5851 views
一早就知道喺屋企附近開左咗間日本餐廳，但係唔知道係放題黎嘅，今晚特登叫姐姐唔好煮飯，一齊落去試新野！我地5:45入座，7:00前離座$148另收加一，都幾底！我哋因為好早就入去所都未係好多人，侍應先送上一盤湯底用作火鍋，湯底係龍蝦湯，顏色係橙色的，滾左之後味道香噴噴，龍蝦味飄晒出黎！之後店員仲送上海鮮盤，海鮮盤上有魚柳、蠔、海蝦、仲有令人驚喜既蟹仔！真係冇諗過打邊爐居然有蟹食，蟹已經一早切開一半，經過大約二十分鐘，蟹殼已經變軟左，唔使鉗都可以開到，蟹肉鮮甜，蟹膏都好多！有新鮮生蠔都係諗唔到的！生蠔只有兩隻，唔夠喉呢！但每隻都是肥大的，漲卜卜。其實火鍋配料也不錯，我比較中諗豚肉片，薄切又有豬味，餃子就是小心一d，因為帶有少少辣，其實我覺得，因為有龍蝦湯，有咩配料都好味：）刺身黎啦！我地都唔算叫左好多，三文魚肥美甘香，筋同肉位都清晰可見，蝦有兩款，虎蝦和赤蝦，赤蝦其實是甜蝦，甜味夠，相反蝦味不重，所以我特別揀左虎蝦，感覺有點像泰式生蝦d蝦，味道雖然不夠甜，但虎蝦較爽口，味道不錯！特色壽司呢度都唔小，即叫即整，我地專攻火焰方面，火焰海膽醬玻璃蝦幾好，本身火焰玻璃蝦我已經收貨，創新地加埋海
我地5:45入座，7:00前離座$148另收加一，都幾底！我哋因為好早就入去所都未係好多人，侍應先送上一盤湯底用作火鍋，湯底係龍蝦湯，顏色係橙色的，滾左之後味道香噴噴，龍蝦味飄晒出黎！之後店員仲送上海鮮盤，海鮮盤上有魚柳、蠔、海蝦、仲有令人驚喜既蟹仔！真係冇諗過打邊爐居然有蟹食，蟹已經一早切開一半，經過大約二十分鐘，蟹殼已經變軟左，唔使鉗都可以開到，蟹肉鮮甜，蟹膏都好多！有新鮮生蠔都係諗唔到的！
生蠔只有兩隻，唔夠喉呢！但每隻都是肥大的，漲卜卜。其實火鍋配料也不錯，我比較中諗豚肉片，薄切又有豬味，餃子就是小心一d，因為帶有少少辣，其實我覺得，因為有龍蝦湯，有咩配料都好味：）
刺身黎啦！我地都唔算叫左好多，三文魚肥美甘香，筋同肉位都清晰可見，蝦有兩款，虎蝦和赤蝦，赤蝦其實是甜蝦，甜味夠，相反蝦味不重，所以我特別揀左虎蝦，感覺有點像泰式生蝦d蝦，味道雖然不夠甜，但虎蝦較爽口，味道不錯！
特色壽司呢度都唔小，即叫即整，我地專攻火焰方面，火焰海膽醬玻璃蝦幾好，本身火焰玻璃蝦我已經收貨，創新地加埋海膽醬，味道真係唔一樣！帶有一點點腥味同咸味。火焰香蒜帶子都不錯，帶子肥美厚肉，估唔到加左蒜又幾夾喎！卷物當然要嗌花之戀啦，呢度既花之戀唔錯呀，卷得好實好貼！
之後想特別介紹下飲品，雖則有大大個飲品櫃，但我既視線已經去左梅酒度，估唔到遠在上水既放題餐廳居然有梅酒飲，梅酒好香酒味，先飲幾啖會覺得有少許嗆喉，但再飲就會回味無窮！
$148真係好抵，以後唔煮飯之選！店員有禮貌上菜又快！Encore List add one！
Post
