今日同朋友專登去太子試「蘇山雞飯」，呢間舖頭雖然名叫雞飯，但其實仲有好多隱藏版美食！我哋兩個人瘋狂點咗成枱嘢，試勻晒佢哋嘅招牌菜，飽到差啲行唔郁🤰🏻
巴東巨霸牛肋骨配烤餅 $148
一上枱真係嚇親😱條牛肋骨大過我塊面🐮燉到超級淋滑，用叉輕輕一拮就已經骨肉分離。巴東醬汁香濃帶微辣🌶️充滿香料層次，撈飯已經無敵，但配埋佢哋嘅烤餅仲正！烤餅外脆內軟，點滿醬汁真係停唔到口😆以呢個份量來講，$148真係抵食到喊！
半價小食拼盤 $49（原價$98）
跟餐加$49就有呢個豐富拼盤，有炸雞翼雞鎚、豬肉卷、蝦卷同蝦餅。最正係炸雞翼🐔外皮脆卜卜，肉質仲保持到juicy😋蝦卷餡料滿滿，熱辣辣食超滿足🔥半價來講，性價比爆燈！
下午茶餐試足兩款
· 娘惹咖喱炸雞配椰漿飯 $60
炸雞外脆內嫩，娘惹咖喱香辣中帶點椰香🥥同傳統馬來咖喱好唔同😮椰漿飯煮得剛好，椰香味淡淡哋，同濃味咖喱出奇地夾！
· 排骨香辣蝦麵 $58
湯底鮮甜帶辣，飲得出用蝦頭熬製🦐麵條吸盡湯汁精華～排骨燜得軟淋，蝦亦新鮮彈牙，鍾意食辣嘅朋友必點！
手拉飲品夠特色
· 凍Teh
師傅即場手拉，茶底濃郁，花奶同煉奶比例剛好，入口順滑，冰涼解渴！
· 熱濃厚奶咖啡
咖啡香醇，奶味濃厚，飲落夠晒醒神，鍾意飲咖啡嘅朋友大推！
