金鳳大餐廳 (山林道)

Open Now

Now Closed

今晚黎金鳳食牛扒，呢度大件夾抵食。裝修亦好懷舊，但夠乾淨整潔。侍應都係茶記阿姐，特別有港式風味。今晚選擇T骨餐。T骨一邊係牛柳，一邊係西冷，所以一邊較腍，一邊較多筋。呢度每個餐都跟西湯同餐包，西湯有羅宋湯同忌廉湯，我就選擇紅湯，因為我最鍾意酸酸味味嘅食物，呢度羅宋湯非常啱我口味，酸甜帶微辣。而且蔬菜都幾多。餐包超軟，用微波爐加熱後好香，再加上牛油，夠曬正。主角T骨扒，大過塊鐵板，黎到熱辣辣，侍應比左張紙巾叫我打開放身前擋住啲油，然後就叫我揀汁，有燒汁同黑椒汁，我就揀左燒汁。一倒就沙沙聲，好正，望住血水滲出添。等沙沙聲開始減退，就開始食，牛肉好軟好腍，底下有薯條同一大塊椰菜，食得好爽。餐飲我揀左檸水，食完濃味嘢清清個口啱曬。