13 個人，餐廳係村屋有兩層，我地坐2樓有張大枱靜靜地真係好。
叫左超過10樣野食，人多真係好，可以試多D。
炒通菜，蒜蓉包，黃咖哩雞，紅咖哩牛腩，泰式炒金邊粉，炸蝦餅，炸春卷，單邊雞翼，牛脷，燒鱔，生菜包肉碎，燒豬頸肉。甜品仲叫左椰汁芒果紫糯米，椰子啫哩伴鮮柚子肉及芒果粒。上菜速度好快。
唔逐樣食物講喇，講下啲比教好食既！
最好食係燒鱔燒牛脷，好好食，兩樣都燒得剛好，外面脆脆地咁。燒豬頸肉都係正既。單邊雞翼好快被搶空了。
都無邊樣係唔滿意。推薦大家黎食，唔係太貴。有質素！服務都幾好，會再來幫襯架！
