鍋牛點心火鍋館 (Closed)

$128任食2.5小時，封門柳牛肉隨便食🍲
-

今次推薦喱間任食邊爐開左唔算好耐，但試過真心驚喜，先講價錢，8:30前入座$148，8:30後入座$128，仲要唔收加一🤟🏻！冇額外收費！你話抵唔抵先😂。但價錢平又點先？質素好hea既不如食吉邊啦，係唔係？

1

1

驚喜位係食物選擇夠曬多，野食都有超過一百款🤤，仲要唔會係得啲超hea既野。除左大路一定有既丸、菜、麵，仲有唔少特別野，例如係魚咀🐟、魚卜、廣島蠔、豬潤🐷、豬肺、豬筒骨，仲連芝士麵都有得叫😂，真係花多眼亂啊喂。

而最正既位☝🏻，係一般任食邊爐都係比肥膏多過肉、薄又薄過紙既肥牛比大家食，佢地除左肥牛，居然有得任食封門柳牛肉，碟碟都好新鮮，食多兩三碟都回曬本啊傻的嗎🤪。
-
當然唔好抱住比百幾蚊就食到幾千蚊既邊爐質素，但真心性價比好高的🤪。
-
最後，地點算方便，旺角行過去大約十分鐘啦，大食怪岩曬啦，多野食又抵食🤟🏻，快啲date下朋友仔去食啦🤗。