一鼎‧台式火鍋 (將軍澳中心)

Open Now

Now Closed

最近喺將軍澳中心商場開咗間新台式火鍋，就襯復活節假期午市時間去試吓。一鼎‧台式火鍋點解會揀假日嘅午市？第一，少人啲，特別係未有好多人入座嘅鐘數。第二，抵食啲。午市有啲120分鐘嘅選擇，只係$209/位起，喺同級嘅放題嚟講算幾抵食。湯底方面係每人揀一個，由甜豉油，到紅燒火牛、麻痹鴨等等嘅特色火鍋湯底都有。肉類方面，最入門嘅set牛肉同豬肉當然都未算好好，但佢嘅羊肉就係驚喜，有羊味亦有質感，好似食緊羊扒咁。最入門嘅set並冇包括海鮮，不過出邊嘅配料已經係任攞。任攞嘅配料包括各式菜同丸類，仲有啲咖喱牛肉等等嘅熟食。最特別嘅係有羊肚菌，非常大粒，煲落亦都有羊肚菌嘅香味。但呢個都唔係重點，QR code上面見到嘅台式小食先至係殺着。當中有金錢肚、滷水牛筋、招牌水餃、炸油條、小香腸、蝦球、鹽酥豆腐等等，喺同類型嘅台式火鍋中算係幾多選擇。嘢飲方面，幾個大雪櫃已經係基本，亦都有咖啡機等等。不過如果要飲生啤或者台式飲品就要食更高級嘅set。個人覺得，成個set其實最好嘅地方係120分鐘。因為佢本來嘅嘢食選擇已經唔少，如果唔係追求海鮮或者高級肉類，其實入門嘅set已經足夠，最緊要係可以慢慢食，唔使太趕。