同傳統嘅深水埗食街只係一街之隔，但更近地鐵站出口，地點非常方便！
門口已經有齊價錢，食物全部十幾二十蚊就有交易，價錢夠晒親民！
1
主打多款自製車仔麵餸，有40幾款咁多。
去深水埗食嘢最擔心就系衛生問題，但入到去非常光猛，而且碗筷同桌面等都很乾淨，頓時放下心頭大石。
湯底不加味精再加上大量蒜粒，飲完不會口乾但夠惹味！！
第一樣要試的，當然是最吸引的$12<鮑汁燜花膠>，老闆每日將發好的花膠放入用雞殼、豬及牛骨新鮮熬製的上湯燜煮，含大量骨膠原的花膠非常入味，夠淋夠滑，厚厚的有口感又唔腥，絕對是女生最愛
另一樣必吃的食物是，手打墨魚餅！！
墨魚餅每日用新鮮墨魚柳切粒後打成漿，再人手打至起膠。
食到細細粒的真墨魚粒之餘成塊爽口彈牙又厚身，墨味足又啖啖肉
糖心蛋好大隻，蛋白滑流流，蛋黃半熟呈流心狀態，好好味。
瑞士雞翼夠入味，肉質嫩滑
車仔麵最重要當然仲有個麵底，除咗傳統嘅河粉，油麵，粗幼麵，公仔麵等之外仲有蕃薯粉同韓國粉絲！！
我當然不會放過我最愛的煙煙韌韌番薯粉。
涼拌青瓜味道麻麻地又辣辣地，青瓜爽脆索索聲又不會苦，16蚊有咁大碟真系好鬼抵。
奶茶茶味香濃又夠滑，套餐價6蚊一杯經濟又實惠。
又一間優質食店係深水埗落戶，作為吃貨的我見到百花齊放當然最開心。
