SONAMU Korean Restaurant

Open Now

Now Closed

這間隱藏在好兆年行地庫的韓國餐廳絕對值得推介俾大家！由正宗韓國人主理，主打傳統韓國家庭式料理，最特別係上菜方式真的令人驚艷。我們點了「姨媽套餐2」$600，共12道前菜小食、3款主菜，湯品則加錢改成海鮮嫩豆腐火鍋$230。店員會先把所有菜式擺好在板上，以餐車推到我們餐桌前，再成張桌板移送過來，視覺效果相當震撼，簡直係Instagrammable到極點！前菜小食全部每日新鮮自家制，少鹽少糖好健康，個人最喜歡辣度夠晒入味的泡菜、咸鮮好味的明太子、口感Q彈的韓國粉絲，其他小食還有紫菜、菠菜、芽菜、辣青瓜、南瓜沙律等。主菜燉牛肋骨重點推薦，必食之選。牛肋骨肉質鬆軟腍身到極點，一夾就脫骨！炆得香濃入味，兩大舊牛肋骨份量亦十足。韓式豬蹄外皮QQ彈彈，入口啖啖都係骨膠原！用生菜包住豬蹄再加泡菜辣醬一齊食，完美平衡膩感。辣炒章魚章魚爽口彈牙，蔬菜份量亦很多，用紫菜包住章魚加飯食，辣辣地越食越開胃，口感豐富到不得了！海鮮嫩豆腐火鍋湯底紅而不嗆，辣度剛剛好。豆腐嫩滑，蔬菜吸滿湯汁特別好食。海鮮份量十足，有蝦、蟹、青口、爪瓜魚、鮑魚，店員還會貼心咁將鮑魚起肉同埋將蝦剪開方便食用。