Espresso Alchemy (如心廣場一期)

Open Now

Now Closed

見好多好評，就試一試。環境都OK，平日靜靜地，係啲櫈唔舒服姐。對住條街都幾relax….個lunch set價錢基本上加埋嘢飲大約$100，上到枱OK大份，都抵食好飽。今日叫咗牛肉雜菌三文治配醋沙律，抹茶latte L size，樣唔錯，幾好味。細杯就太細啦，情願加錢加大。三文治上枱嚇咗一跳，原來咁大份，食一半都飽。入口發現超多牛，全部都係肥牛，每一啖都扯唔開，比較難去食，如果一個男人應該都鍾意食，因為真係太多牛，最後我自問好鍾意食牛，都放棄左d牛。可能又太肥太油膩啦，同個三文治好似唔係好夾。但總括都算ok，少啲牛都可以。沙律都夠多，食番下菜，酸酸地平衡下。會再來幫襯，不過會試其他。