潮丸 (Closed)

喺東大街食咗十幾年，甚少寫食評，好嘢就去多幾次，唔得嘅就一次過，知道租貴人工貴，生意難做。今次例外，不吐不快。食店出品，質素最緊要，最嬲係出品唔得仲要扮上品賣貴價呃錢，有人話裝修幾潮，潮可唔可以當飯食先 ?淨牛丸 -- $５５一碗５粒，即係$１１蚊１粒，即係1粒牛丸＝１個麥記豬柳蛋，好高毛利啫，難怪咁大力推！牛腩 -- 質素普通但貴過晒公認好食嘅X姐、X利清湯腩，連對面安X都不如。雲吞王、墨丸王、乜王物王 -- 都係作大，攞行貨當貴價嘢賣，其實價錢就真係稱王。湯 -- 呢樣最差，入口無味無道，有篇食評yanyanh話啲湯又豬骨又雞骨敖咗６個鐘，擺明老作。花巧綽頭嘢唔使攪咁多，回歸基本老老實實用心去做，想發達都要有攞Ｄ誠意。