麥當勞 (Closed)

上回麥當勞推出牛油果雞堡錯過咗機會， 今次一見到網上宣傳，即刻趁得閒買番個 做晚餐！一拎包嘅size比想像中大， 亦都幾重手， 與同等價錢嘅豬柳蛋漢堡比較， 牛油果雞堡好似份量多啲😆每次麥當勞出新品都唔會 有太大期望(始終都係平價嘢)， 但今次一打開個包真係有驚喜， 首先牛油果醬比想像中多同濕潤， 裏面中混入了青椒紅椒粒， 仲有黑椒粉， 一咬落去少少辣辣地，味道清新開胃， 雖然同塊雞堡唔係特別配搭， 但絕無違和感！ 牛油果粉絲表示滿意！芝士大粉絲表示對片cheddar cheese都ok滿意， 有一定厚度之餘芝士味幾出， 同舊雞堡幾夾✨✨真心抵食，回頭指數幾高！