相聚一刻 (Closed)

呢間位於太子嘅酒吧餐廳，地面係餐廳俾人食飯，樓上有得玩飛鏢，適合一班朋友一齊食嘢一齊玩。餐廳而家做緊優惠$308任食生蠔，仲包一杯紅酒或者白酒。我同朋友都唔係好食得咁多，所以就叫咗半打生蠔食下。$68有六隻，好抵食。雖然價錢咁平，但係質素一啲都唔差。生蠔大大隻好creamy。呢個價錢有呢個質素真係冇得彈。另外，仲叫咗一個卡邦尼意粉同埋海鮮燴意大利飯。卡邦尼意粉，芝士同忌廉嘅味道都幾濃郁。海鮮會意大利飯，好足料，返入邊有好多八爪魚，蜆同蝦。每一款意粉或者會飯都只係$88。