天后站清湯腩

Open Now

Now Closed

夠膽講將軍澳呢間「天后站清湯腩」好食過間好串既九記多多聲。大利，華姐，都唔夠呢間好食。食左好多次，同老闆傾過幾句，原來老闆同班底黎自華姐，係華姐既開國功臣，冇再合作之後自立門戶，創立呢間店。老闆話堅持選用100%鮮腩，而坊間好多為左慳成本，而退而求其次，選用雪腩，味道冇得呃人，大家咁識食，試過就知。湯底鮮甜有牛味不在話下，我每次都飲晒，牛腩呢個主角，對鍾意食牛嘅朋友，亦絕對唔會令你失望。呢度有齊坑腩，沙腩同爽腩任揀，我每次都食坑腩，係試過一次佢賣晒坑腩，我食普通腩，其實都好食！我試過一星期連食5日。完。