Video
Read full review
2023-08-30
907 views
要數全香港好食又抵食的串燒店，呢間絕對係榜上有名。朋友曾經帶過我食一次之後，我就愛上咗呢間串燒店。是夜與朋友聚舊，即刻提議大家來到呢間令我心掛掛的串燒店！以往幫襯過的串燒店，一係就燒得好食但好貴，一係就價錢勁平，但燒得乾柴又細粒，要靠重口味的調味粉先食得。呢間串燒店的好處係，價錢中等但質素勁高，好抵食！串燒店分日、泰、港、川、西、新疆、台、韓等不同烹調風格，畀客人自行選擇。雞皮墨魚滑我的必點item，以烤得香脆的雞皮包褢口感彈牙的墨魚滑，非！常！正！鹽燒原塊雞皮其實本身我係好憎食雞皮的人，但餐廳將雞皮上面的脂肪、肥膏刮走晒，烤到好脆，脆到好似薯片咁，簡單灑少少鹽就已經好好味。檸蜜牛油包睇個名的確幾普通，但呢個絕對係必點的邪惡之選。喺脆卜卜的多士上面有塊勁邪惡的牛油，加埋甜甜的檸蜜，香脆可口！明太子燒飯團為咗可以試多幾款串燒，所以只叫咗一個燒飯團三份食～在少許飯焦感的燒飯團上面有分量多多的明太子醬，再夾塊紫菜一齊食，無得輸！孜然燒蒜蓉茄子串燒店必食item，燒茄子可算係零失敗之作，燒得軟淋淋的茄子肉，加埋蒜蓉、孜然簡單的調味，已經好yummy！牛油果豚肉卷汁燒免治雞肉軟骨釀冬菇對比起以上
以往幫襯過的串燒店，一係就燒得好食但好貴，一係就價錢勁平，但燒得乾柴又細粒，要靠重口味的調味粉先食得。呢間串燒店的好處係，價錢中等但質素勁高，好抵食！串燒店分日、泰、港、川、西、新疆、台、韓等不同烹調風格，畀客人自行選擇。
雞皮墨魚滑
我的必點item，以烤得香脆的雞皮包褢口感彈牙的墨魚滑，非！常！正！
鹽燒原塊雞皮
其實本身我係好憎食雞皮的人，但餐廳將雞皮上面的脂肪、肥膏刮走晒，烤到好脆，脆到好似薯片咁，簡單灑少少鹽就已經好好味。
檸蜜牛油包
睇個名的確幾普通，但呢個絕對係必點的邪惡之選。喺脆卜卜的多士上面有塊勁邪惡的牛油，加埋甜甜的檸蜜，香脆可口！
明太子燒飯團
為咗可以試多幾款串燒，所以只叫咗一個燒飯團三份食～在少許飯焦感的燒飯團上面有分量多多的明太子醬，再夾塊紫菜一齊食，無得輸！
孜然燒蒜蓉茄子
串燒店必食item，燒茄子可算係零失敗之作，燒得軟淋淋的茄子肉，加埋蒜蓉、孜然簡單的調味，已經好yummy！
牛油果豚肉卷
汁燒免治雞肉軟骨釀冬菇
對比起以上的高質items，呢款就比較遜色咗少少，雞肉軟骨的爽脆感不算好突出，而且不太爽彈。
餐廳做緊500ml生啤買一送一優惠，是夜係我鍾意的綿密日本Sapporo生啤，正！
Post
