蠔站 (傲雲峰)

Open Now

Now Closed

🦪同朋友gathering或者同另一半想平平哋食生蠔食個西餐浪漫吓，總會諗起呢一間餐廳，佢就係全港有幾間分店嘅《Oyster Station蠔站》第一次嚟土瓜灣分店佢哋大廈外牆裝修緊，環境可能冇其他分店咁靚，不過因為近我哋屋企同埋佢有outdoor座位，所以感覺都唔差。呢間餐廳喺十幾年前我已經有幫襯開，因為佢哋嘅生蠔非常新鮮，而且一路都做緊一個好抵食嘅優惠，就係每晚都會有唔同品種嘅生蠔做$10優惠價（某啲分店會有$10/$20生蠔選擇）喺香港地可以食到$10一隻生蠔係幾罕有嘅事？😂 真係食夠兩打都唔會肉赤！♡$10特價生蠔❥我哋今次嚟食嘅特價生蠔係法國生蠔🦪 好新鮮size都唔算細，叫咗一打12隻，都係$120咋！♡黑松露野菌配大啡菇意大利飯 $148❥呢個意大利飯有好濃郁嘅黑松露味，大啡菇非常Juicy，好味。♡炭燒美國頂級西冷（10安士） $398❥叫咗七成熟嘅美國西冷扒，燒得啱啱好，外層有焦香肉質仲係好軟嫩，配菜一啲都唔馬虎，有多款燒野菜同埋薯蓉。♡香辣炸雞翼 $98❥送酒一流嘅小食，炸得好酥脆，個炸粉唔會太厚，雞肉仲係好嫩滑，點埋個泰式辣醬非常好食。