Video
Read full review
2010-03-28
5 views
上星期日, 約左澳洲返黎既妹妹去尖沙咀行街街 夜晚就叫埋男友仔出黎同妹妹一齊食個飯...妹妹同我講想食 "咖哩" or "東南亞" or "越南"....於是上 openrice 搵搵....尋尋覓覓~最後比我搵到呢間『老船長』!!望望食評, 好似唔錯咁喎, 一於就呢間啦 約好左男友仔 7 點半左右, 遲左少少, 去到大概係 7 點 10 左右啦~一推門, 舖仔細細, 但係裝飾一D都唔普通, 幾有特色!當時已經有成班人 (大概10幾人) 合併左一大張長枱, 舖仔已經無左成半位 另一邊就有 4 個人食緊, 我地就坐舖中間既 4 人位, 背脊得返 3 張 4 人枱就 full 晒 lu~一坐低, 老闆娘就走埋黎好 nice 咁同我地傾計同推介 一邊聽佢推介, 一邊睇本 meun, 好多野都想食添, 點算 最後.....有一半係老闆娘既推介(meun 上面無架!!), 而另一半就係我地自己好想試既野食： 泰式無骨鳳爪 泰式冰火蝦 "細" 冬陰公湯 (中辣) 咖哩炒蟹 蒜蓉包 蝦醬炒貢菜牛肉 青檸梳打 椰皇燉鮮奶 (每日限量!!)得左大約 10 分鐘.......先黎冷盤 泰式無骨鳳爪, 吾
夜晚就叫埋男友仔出黎同妹妹一齊食個飯...
妹妹同我講想食 "咖哩" or "東南亞" or "越南"....
於是上 openrice 搵搵....尋尋覓覓~
最後比我搵到呢間『老船長』!!
望望食評, 好似唔錯咁喎, 一於就呢間啦
約好左男友仔 7 點半左右, 遲左少少, 去到大概係 7 點 10 左右啦~
一推門, 舖仔細細, 但係裝飾一D都唔普通, 幾有特色!
當時已經有成班人 (大概10幾人) 合併左一大張長枱, 舖仔已經無左成半位
另一邊就有 4 個人食緊, 我地就坐舖中間既 4 人位, 背脊得返 3 張 4 人枱就 full 晒 lu~
一坐低, 老闆娘就走埋黎好 nice 咁同我地傾計同推介
一邊聽佢推介, 一邊睇本 meun, 好多野都想食添, 點算
最後.....
有一半係老闆娘既推介(meun 上面無架!!), 而另一半就係我地自己好想試既野食：
泰式無骨鳳爪
泰式冰火蝦
"細" 冬陰公湯 (中辣)
咖哩炒蟹
蒜蓉包
蝦醬炒貢菜牛肉
青檸梳打
椰皇燉鮮奶 (每日限量!!)
得左大約 10 分鐘.......
先黎冷盤 泰式無骨鳳爪, 吾~ 唔太辣, 唔太酸, 味道o岩o岩好, 非常開胃, 讚!! 連平日唔鍾意食酸野既男友仔都食左好多隻
之後再黎係 "細" 冬陰公湯 (中辣), 哇!!!! 嚇呆左 明明老闆娘話比個 "細" size 我地架....點解!! ...咁~大~鍋~架!!!? 再問多次, 老闆娘話呢個真係最 "細" 啦!!! 好, 先唔理個 size, 個湯既顏色好吸引, 材料好豐富, 好多大大隻既蝦, 大大隻既青口, 仲有 D 小草菇 / 香矛....etc. 試啖先, 咦..唔係好辣咋喎, 似小辣多 D, 點知飲飲下, 開始愈黎愈辣喎, 好野味耶, 讚!! 我地每人起碼飲左 4 碗仔
跟手再黎就係 泰式冰火蝦, 蝦係熟既亦已經去殼 (懶人最 like), 肉質唔"梅", 新鮮! 蝦身上面有一層醬汁, 同蝦好夾, 會令人愈食愈想食, 讚!!
之後黎就係 咖哩炒蟹, wow~ 又好大碟 隻蟹 size 都唔細, 蟹先炸再煮, 咖哩汁加左蛋漿煮, 好味! 不過隻蟹就有少少炸得太耐, 因為腳仔有 D 肉都干左, 扣少少分! 但係個汁既味道就真係唔錯, 男友仔同妹妹都好鍾意, 讚!
到 蒜蓉包, 包焗得脆脆, 包面一層黃黃牛油, 仲有一層粒粒蒜蓉, 可惜...蒜蓉唔夠香, 令個脆脆包有 D 失色, 又扣少少分! 好在有個美味咖哩汁陪食, 因為包身夠脆又唔燶, 所以感覺仍然美味, 讚!
之後係 蝦醬炒貢菜牛肉, 菜炒得嫩嫩, 牛肉唔 "鞋", 蝦醬好香, 只係微微咸左少少, 不過如果菜同牛肉一齊食既就o岩o岩好, 讚!
最後當然係甜品時間 椰皇燉鮮奶, 碗邊有薑片穩定椰子, 聞到陣陣薑味好醒神, 打開椰子蓋, 哇~ 好靚好香好吸引, 食落有濃濃椰子味同鮮奶味, 感覺好養顏, 讚!!
至於飲品方面, 男友仔連飲 2 杯 青檸梳打, 又真係幾好飲喎, 青檸都有 4-5 片, 新鮮又夠味, 讚!
因為有好多老闆娘推介既都唔響本 meun 上面, 所以呢餐真係食野唔知價, 哈哈哈~
埋單大約 $574 左右 (唔係好記得)
響我地食到一半既時候, 忽然又有一班人 (10 幾人) 黎左, 拍埋剩返果 3 張 4 人枱, 全舖 full 左!!
好在我地早黎o者...嘿嘿嘿~
另外要讚 x100 既係：老闆娘!!
佢真係一個勁 nice 既人, 同佢傾左幾句之後, 仲開始同我地有講有笑添呀, 所以呢餐真係食得開心之餘又滿足!! 仲比左個好美味又開心既回憶妹妹添
Post
