Video
Read full review
2020-06-05
44 views
今日去大角咀搵朋友然後就來到Orange Elephant，朋友話呢個唔錯，佢間中都會同同事收工過黎食，因為日日都有唔同既1蚊加購食物。入到鋪頭，眼見職員都似泰國人，同埋好有禮貌。我地兩個女仔就叫左一個併盤，一個金邊粉，再加$1黃咖哩雞，再加份薄餅。先送上枱係1蚊雞黃咖哩雞，份量都唔錯，雖然係$1，但入面d雞肉都唔小，而且雞肉都好嫩。黃咖哩係唔辣的，好香好椰味，配薄餅食一流。兩個大大個椰青$42，椰汁勁滿又多肉，夏日熱辣辣就最啱飲。泰式併盤 原來都幾大份$145入面有蝦餅，春卷，魚餅，香葉包雞通常食泰國野，我一定會叫春卷。呢個春卷好脆唔油膩，而入面我食唔出有咩野，但同以往食既料有少許不一樣，好似有小小特別，食多2條都唔介意。呢個香葉包雞我應該係第一次食，一打開佢已經幫你切開一半，其實個味幾香有香葉味，但個人覺得有小許乾身，影響左個口感。之後送上蛋網海鮮金邊粉$88金邊粉食得多，蛋網我就無試過，個賣相好吸引👍入面除左有大大隻蝦，仲有其他海鮮如青口，魚柳，魷魚。酸酸甜甜既金邊粉，好惹味又開胃，泰式金邊粉果然無死👍
入到鋪頭，眼見職員都似泰國人，同埋好有禮貌。
我地兩個女仔就叫左一個併盤，一個金邊粉，再加$1黃咖哩雞，再加份薄餅。
先送上枱係1蚊雞黃咖哩雞，份量都唔錯，雖然係$1，但入面d雞肉都唔小，而且雞肉都好嫩。
黃咖哩係唔辣的，好香好椰味，配薄餅食一流。
兩個大大個椰青$42，椰汁勁滿又多肉，夏日熱辣辣就最啱飲。
泰式併盤 原來都幾大份$145
入面有蝦餅，春卷，魚餅，香葉包雞
通常食泰國野，我一定會叫春卷。呢個春卷好脆唔油膩，而入面我食唔出有咩野，但同以往食既料有少許不一樣，好似有小小特別，食多2條都唔介意。
呢個香葉包雞我應該係第一次食，一打開佢已經幫你切開一半，其實個味幾香有香葉味，但個人覺得有小許乾身，影響左個口感。
之後送上蛋網海鮮金邊粉$88
金邊粉食得多，蛋網我就無試過，個賣相好吸引👍
入面除左有大大隻蝦，仲有其他海鮮如青口，魚柳，魷魚。酸酸甜甜既金邊粉，好惹味又開胃，泰式金邊粉果然無死👍
Post
