稻香超級漁港 (鳳德商場) (Closed)

上次同奶奶老公食完，好評後， 今日我帶老媽老爸來試， 今日六點幾到，遲左攞位，之後越來越人多， 等左15分鐘左右就有枱， 在廳房裡，好彩有幾個專門服務員，感覺比坐大廳更好。今日照舊叫2隻$1雞， 桑拿環球海鮮匯$138同上次食一樣， 隻雞好好味， 炸得香脆，雞胸厚，雞脾滑，保持水準， 有專用膠手套，乾淨衛生， 不過今次有2片蝦片吸左油食唔到。海皇花膠雜菜煲$98 - 花膠5小片， 粉絲，白菜仔，菜心，金菇..... 多都唔識數。上次白飯都$15/碗， 今次就叫楊州炒飯$98，勁大碗每人食2碗都食唔晒。今次推介個湯- 汽鍋海中寶， 果然係推廣， 有鮮鮑魚仔， 出面都$10隻， 仲有雞腳，瘦肉，紅棗，依家碗湯只係$18,好鬼抵， 一人一碗都唔過份。最後仲加枝百威啤酒$16.8. 淡淡地易入口，我都飲左一小杯。