大笪地火鍋 (Closed)

因為facebook見到哩間餐廳有花膠雞煲所以邀請朋友來個聚餐養下顏。哩間餐廳響旺角中既較偏僻大廈，入去似做美容果啲商廈咁，指示亦都唔係好清晰，都要搵1陣先上到去。上到去個裝潢營造舊式風味，有好多大水壺，之後先知係裝湯底，都幾得意，而且侍應加湯都用手護住加，幾窩心既服務，唯堇講野唔咸唔淡既普通廣東話真係攪笑。野食方面湯底濃郁，雞都算滑，而且花膠都有一整碟，其他配件都係麻麻地，冇特別好味既丸嘍。個豬腩肉都唔差既，整體都唔差既，人君掛200蚊，正常打邊爐嘍，不過乾淨企理，快靚正。