因為我呢個朋友唔食得蟹，所以我地今次無得食佢極為出色既蟹菜式😭😭
不過無所謂啦，因為佢仲有好多好好食既野可以試😋
首先，我極度推介呢個鐵板蠔仔蛋！！呢個一定要襯熱食！！因為海鮮凍左點都會有啲腥味既！佢一拎到上台，我地就聞到好香好香既蠔仔同蛋味！食落就緊係I Chi Ban啦！！😋😋
另外，佢個泰式海鮮炒飯都好正！好食好有鑊氣，海鮮又新鮮又足料，好值得推介！😋😋
最重要既一樣野就緊係佢個$1菜式啦！今次我地星期四去，所以我地試既$1菜式係黃咖哩雞！佢既黃咖哩濃郁又好食，雞又滑，$1就食到真係好鬼抵啊！
飲品方面大家可以試下佢既特飲，包保你有驚喜😚😚😚
