台灣麵

Open Now

Now Closed

都好耐冇嚟呢度食嘢，係悅來坊商場買完波鞋後，順道食埋野，呢度晚市都係$60左右包飲品，幾抵食，選擇亦多元化。今日試咗雙排雙格餐，即刻1個餐內可以點兩款菜式，而兩款菜式放喺一個大碗入邊，碗嘅中間分隔開唔會將啲味道混合一齊，幾好嘅設計。台式咖喱牛肉跟乾拌麵及蒜香雞翼新竹米粉，咖喱牛肉其實係牛展，咖喱辣到有兩隻辣椒；新竹米粉比廣東米粉幼一些，更滑口。滷肉蛋飯及白菜雲吞粗麵，老玉變咗兩舊大嘅五花腩，一舊肥一舊瘦，兩舊都好淋，雲吞都有水準。涼拌雞絲粉皮、紅油抄手、小青瓜、滷雞腎都各有特色，我幾樣都咁鍾意食。芝麻奶茶，香香濃濃芝麻味，飲落亦成口芝麻，感覺健康。