Video
Read full review
2019-01-20
114 views
將軍澳發現新打卡點，有得食又有得玩！！燒海鮮即捉即燒，新鮮熱辣辣my favourite 喔依間間日式浜燒店餐廳主打由築地同日本直接入貨既海鮮，所以熱愛海鮮既我一定要去試下先地點👌🏻位於將軍澳住宅區，周圍都係街坊餐廳出面佈置好似去左日本🇯🇵咁啊環境黎到比左房仔我，除鞋上塌塌米，簡直裡裡外外都成個日本咁，私隱度高。食物：呢到有壽司，拉麵，刺身，燒物，串燒等等，超多野揀，花多眼亂叫野食之前，一定玩左個夾海鮮遊戲先，我地就係為左依個夾海鮮慕名而來有分＄１３８同＄２５８，分別夾３０秒同１分鐘，我當然要１分鐘夾盡佢最後夾到超多海鮮，回本有突不過一台只能玩一次，要派出筷子🥢精英喔比幾個秘訣你地：快狼準同埋唔好怕落水啊xd海鮮都幾重，可能男仔會夠力d 帆立貝燒完既帆立貝好好食，好多汁，好甜，我最鐘意呢個。其餘既海鮮都唔差，都好鮮甜架！豬骨拉麵👌🏻湯底正正常常，但塊叉燒有啲驚喜，厚身，肥瘦適中。招牌酥脆雞塊有成５舊超大舊，雞食落口食到小小孜然味，好香口好惹味，推介！重口味朋友岩哂明太子牛油燒魷魚鬚好吸引，叫左１份，果然夠邪惡，味道都好好。食到呢到已經好飽，但係都忍唔住叫左兩串串燒食，雞翼同雞軟骨，雞軟
燒海鮮即捉即燒，新鮮熱辣辣my favourite 喔
依間間日式浜燒店
餐廳主打由築地同日本直接入貨既海鮮，
所以熱愛海鮮既我一定要去試下先
地點👌🏻
位於將軍澳住宅區，周圍都係街坊
餐廳出面佈置好似去左日本🇯🇵咁啊
環境
黎到比左房仔我，除鞋上塌塌米，簡直裡裡外外都成個日本咁，私隱度高。
食物：
呢到有壽司，拉麵，刺身，燒物，串燒等等，超多野揀，花多眼亂
叫野食之前，
一定玩左個夾海鮮遊戲先，我地就係為左依個夾海鮮慕名而來
有分＄１３８同＄２５８，分別夾３０秒同１分鐘，我當然要１分鐘夾盡佢
最後夾到超多海鮮，回本有突不過一台只能玩一次，要派出筷子🥢精英喔
比幾個秘訣你地：快狼準同埋唔好怕落水啊xd海鮮都幾重，可能男仔會夠力d
帆立貝
燒完既帆立貝好好食，好多汁，好甜，
我最鐘意呢個。其餘既海鮮都唔差，都好鮮甜架！
豬骨拉麵👌🏻
湯底正正常常，
但塊叉燒有啲驚喜，
厚身，肥瘦適中。
招牌酥脆雞塊
有成５舊超大舊，
雞食落口食到小小孜然味，
好香口好惹味，推介！重口味朋友岩哂
明太子牛油燒魷魚鬚
好吸引，叫左１份，果然夠邪惡，味道都好好。
食到呢到已經好飽，
但係都忍唔住叫左兩串串燒食，
雞翼同雞軟骨，雞軟骨燒到脆卜卜，好香口飽飽
夾海鮮好好玩，但記住要yup高衫袖/著中袖衫啊
依道燒海鮮要自己黎，唔好掛住吹水唔起海鮮啊
Post
