怡紅院火鍋料理

Open Now

Now Closed

無諗過lunch會去打邊爐,仲要一人火鍋，朋友講話依家餐廳有一人火鍋，就趁住冬天去試一試。本身諗住應該唔多人，冇book位，原本店員話冇位，好彩得返兩個位，但係原來係要搭枱，不過做得一人火鍋，加上餐廳入面大部分都係大枱，要搭枱都正常。講返點餐紙，個名叫做賣身契，其實係一張揀湯底煮食配菜同飲品嘅紙。朋友叫沙嗲湯，佢話唔算好辣。我叫胡椒豬肚湯，其實胡椒味都重，仲有少少豬肚。其他食物方面都正常，本身以為會食唔飽，但係其實都夠。總括黎講，依度係快餐店以外一人火鍋嘅好選擇，仲要係lunch time 先有。