CC BAKERYYYY x 千禧咖啡

Open Now

Now Closed

難得有個平日收早，係要去食返個下午茶！今日嚟到呢一間千層蛋糕最出名嘅小店 👍🏻肉醬意大利粉意大利粉令人有驚喜，肉醬滿滿的，面頭灑上巴馬臣芝士，捲起有微微嘅拉絲感，味道偏向日式。👍🏻豬柳蛋窩夫用上牛角窩夫，食落鬆軟又帶點香酥感，牛油香味頗重，中間夾上滑蛋、豬柳蛋以及半融芝士🧀旁邊吱上茄汁及芝士碎，特別有風味～而且小店提供多款鹹甜口味供各位選擇。👍🏻千層蛋糕呢間小店以千層蛋糕🍰打響名堂，今日分別叫咗焙茶以及朱古力脆脆嘅口味(・ω・)ノ焙茶茶香做得好香醇，一層一層0.01cm班戟皮做得薄身，夾著軟滑忌廉，無論睇落去定食落去嘅口感都非常分明！朱古力脆脆嘅口感更加特別，軟滑之中帶點香脆，但整體卻唔會過份甜膩。👍🏻焦糖脆脆拿鐵好出色好出色好出色，重要嘅嘢要講三次。 焦糖嘅份量拿捏適中，兩大舊焦糖脆脆及忌廉點綴左唔少！👍🏻生椰美式夏天恩物，飲落清甜爽口、尾韻回甘，酸度唔重 ，最重要係卡路里低，飲落去冇咩負擔感。