The Point Kitchen (奧海城二期) (Closed)

邊得嚟細路仔咁鍾意食龍蝦？個仔勁鍾意食龍蝦，無論係中式煮法定西式都咁喜愛，今次專登嚟奧海城The Point Kitchen 試吓呢個聲稱係新鮮嘅波士頓龍蝦套餐，果然冇令人失望，龍蝦鮮甜美味，彈牙多肉，套餐只係5百幾蚊，非常優惠。二人龍蝦套餐包括沙律、龍蝦湯、新鮮龍蝦海鮮手工意粉、兩杯特飲。我哋加錢叫多一客pizza，份量夠晒三個人食。呢個沙律真係冇得頂，材料豐富，包括有鮮蝦、牛油果、芒果、蕃茄莎莎，確能令餐前開一開胃。原隻新鮮波士頓龍蝦海鮮扁意粉非常好味，除咗彈牙嘅龍蝦之外，仲有細細隻嘅藍青口、大蜆同魷魚，樣樣都好鮮味。只係加$98就可以加倍北海道帶子鮮蝦pizza，認真抵食！叫餐之前諗住會加$48叫埋個甜品朱古力布朗尼蛋糕配雪糕，點知飽得滯，真係食唔落。唯有留返下次再試。