犇道 Chef Ben- Cafe & Steak Bar (弦海) (Closed)

弦海這邊 這間西餐廳Ben Chef 成日散步經過都見到full house，今晚一於同老公嚟試下！裝修好雅緻，樓底夠高 七點鐘鬆啲已經八成滿座 點咗蝦蝦霸霸牛扒二人套餐 先嚟餐湯~蕃茄海鮮夠濃夠香. 酸酸地仲有好濃海鮮香味，配上蕃茄沙律多士 配上橄欖油 好清新開胃😎😎兩款意粉 揀咗鵝油蔥酥墨魚汁意粉 好特別！鵝油配上墨汁 每一條意粉都掛滿墨汁 仲有菇做配菜 好香！😋😋意粉夠彈牙，真係幾特別！ 第一次試 主角～活龍蝦鐵板燒 配廚師發板牛扒仲有無限refill 薯條添 龍蝦配牛油當然係match 啦🥳🥳肉質夠厚用上活龍蝦真係有別於一般嘅雪藏貨 鮮味十足😍😍龍蝦彈牙、鮮味！而且仲好大隻㖭 牛扒亦都牛味濃郁，五成熟剛剛好 仲有其他配菜可以解膩之餘 又可以 食下蔬菜平衡下 🥰🥰跟餐有埋飲品 賣相都非常like 仲用埋食字-破風手-沖繩香檸汁接骨木梳打特飲 👍個名夠曬特別，清新 另外環法公路塞-其係鳳梨果肉草莓梳打 呢個睇得又飲得，嗰杯係菠蘿杯 難怪成日full 果然性價比較高，屯門嚟講西餐算係頭幾位吧😋😋