小食天地 (Closed)

肥髀游水班前想食少許嘢打底，行去泳池附近好多小食店（附近好多學校）今日公眾假期已經有幾間無開到！肥髀去到呢間見有龍蝦丸即刻心動，一串三粒，店員問肥髀要淥定要燒，肥髀揀了淥，等了5分鐘，店員問肥髀要不要辣同豉油，肥髀都話唔要，之後店員將幾粒丸放入紙杯再落豉油！肥髀即刻好疑惑，唔係話唔要豉油咩？丸好大粒，已𠝹花，熱辣辣，龍蝦丸味道當然無驚喜，夠彈牙，不過豉油汁甜甜地幾好味！店員對細路都幾細心！