龍皇酒家 (Mikiki) (Closed)

龍皇食過兩間分店，一間新蒲崗，一間銅鑼灣，新蒲崗應該算係較新一間,。雖然大家係同一品牌食店，但始終佢廚師唔同，水準點都會有差別，不論服務或食物水準，我都比較鍾意新蒲崗分店多！呢日為兩個小魔怪慶祝生日，佢哋爸爸就為哋响樹開咗兩圍。雖然訂唔到房，但酒樓都幫我哋安排咗一個角落位，令我哋有自成一角嘅感覺。紅燒蟹肉翅湯底味濃，滿滿嘅蟹肉，香口鮮味！冶味炒海參 ~~ 不論係瓜或海參都非常爽脆、入味！今次小魔怪嘅爸爸好闊綽，不論小朋友或大人都有一隻四頭澳洲鮮鮑。這個鮑魚煮得好腍、非常入味，個汁香甜濃郁！不論係邊個部位嘅魚露雞都非常嫩滑，仲有好香嘅魚露味五穀豐登荷葉飯，個飯好爽，好香嘅荷葉味不論係邊類型嘅中式飯宴，乳豬仔可以話係特定嘅菜式之一，但唔係每一間都可以做得咁好食。龍皇絕對係將呢隻乳豬仔燒得皮薄又脆，肉又鬆嫩，亦唔會有油膩嘅感覺，真係會食完一件又一件架！