龍百味大廚

Open Now

Now Closed

餐廳：龍百味大厨地點：油麻地菜式：小菜餐牌：喺門口自己攞個托盤，之後排隊揀餸、飯、湯同飲品，最後去收銀比錢，自己搵位坐，有水機同膠水杯。鳳梨咕嚕肉 $28超多件咕嚕肉，多過十件，食落脆脆哋皮而肉質爽爽地，味道調得唔錯，伴有菠蘿、燈籠椒同洋蔥，好開胃。枝竹蘿蔔炆牛筋 $26牛腩有好幾舊，算淋，好入味。伴有吸汁枝竹、白蘿蔔同清爽西芹，材料好豐富。蒜蓉菜心炒牛肉 $26牛肉份量唔少，口感味道唔錯，菜心好嫩，個汁好味得黎唔油。豉汁蒸黃花原條黃花魚肉質好嫩，面頭加上好多豆豉、蔥花同少少辣椒，好夠味，唔辣既。仲伴有雲耳仔，係要小心魚骨啫。老火靚湯 $6今日老火靚湯係蓮藕瘦肉湯，飲落肉味好濃，不過好清，絕對有阿媽靚湯風味。入面仲有兩大件蓮藕同豬肉食，好足料。汽水喺收銀前面攞。餐廳裝修光猛，地方企理，午市好旺，不過人流去得快，食物質素唔錯，一個人食四餸一湯好滿足，可以望住啲餸黎嗌都幾好，上到枱唔會太熱，不過都唔會凍冰冰。平民價格高質小菜！