本場

Open Now

Now Closed

燒肉之前，食返d開胃前菜醒一醒胃，青瓜絲口感清爽，配合埋蟹籽增加口感，八爪魚仔size比例較大隻。海產幾新鮮，食材清潔得好乾淨，我比較鐘意食香草蝦仁和香草帶子，因為兩者都已經去除外殼可以啖啖肉咁食，魷魚爽口彈牙。終於到主角M8和牛出場，雖然不是和牛界級數最高，但目測亦可見到肉和脂肪分佈好平均，比例方面肉佔6成，脂肪佔4成，因為有油脂兩邊輕輕燒一燒已好快熟，食落口腔充滿油花既濃郁味道，畢竟全部都係燒肉食得多都會油膩，用菜包住食，一來健康d，二來清一下油膩感，三來包住食口感更加爽口。牛舌同樣係必食，簿切容易燒，有微微咀嚼和爽口口感。金菇和蕃係疏菜類之中我最喜愛，好濃郁既牛油味，雞肝唔錯處理得乾淨，帶有粉粉地既口感，味道同豬潤相近，鐘意食豬潤既相信雞肝都會鐘意。月見汁即是蛋黃汁，用黎點肉類食一流，令肉質更滑溜溜，另外溫泉蛋配粉麵飯就比較夾，蛋黃汁流入米飯，粒粒米都被蛋汁包住，超正。