甜蜜蜜甜品專門店 (Closed)

試過一次後便食上癮，材料豐富，榴槤味香濃。我最愛食榴槤明珠，榴槤肉香濃，海藻珠和啫哩爽口，中和左椰汁忌廉 “流” 既口感。榴槤忘返既榴槤味比較濃郁，但配合芒果粒和椰果不夠合襯。心太軟外皮香口，一切開就流出香濃既朱古力醬，伴上雲尼拿雪糕食超正。綠茶雪糕布丁就唔好味，牛奶布丁騷味太濃，紅豆粒甜得 “濟” ，綠茶雪糕又唔香。黎左幾次都想試下其他野，但最後都忍唔住食番榴槤。