道頓堀御好燒專門店 (朗豪坊) (Closed)

自己喺日本食過大阪燒，但壽星女就未食過，所以我地專登擇呢間慶祝一番！由於六點半後不可以訂位，所以一放工就即刻沖上朗豪坊拎飛，等左半小時終於到我地個number喇，但大枱要再等，所以我地決定唔等大枱，五個人坐四人枱 la～研究完餐牌後，決定叫御好燒，廣島燒照住幅圖整就OK！ 完全無難度！御好燒呢個做法最容易！將成碗野攪勻，然後將材料倒喺落左油既鐵板上煎，等5分鐘就翻轉另一邊～ 最後加上醬汁，沙律醬，鏗魚碎，紫菜，就係錦簡單，完成！賣相不錯吧⋯⋯係我整架，哈哈！剛好我個份裡面有年糕，煙煙韌韌，配上大量椰菜口感不錯廣島燒呢個步驟會多D.. 又要煎蛋又要炒麵又炒椰菜又炒肉，一路睇住一個從來不入廚房既朋友整呢個，非常過癮，哈哈！黎呢度每個人都要落手落腳，唔洗旨意坐定定等食，哈哈！同樣地，根據自己口味落醬汁。經驗所得炒麵要落多DD炒麵汁先夠入味～其實味道方面是沒什麼特別，只是每一款的材料有點不同，最後調味都是加上炒麵汁,醬汁,沙律醬,紫菜,鏗魚碎，不過可以同一班朋友一路玩一路食，的確係特別開心