放工黎到都八點幾，睇完menu好多都想食，特別係黃金蝦！但見隔離枱個四人餐好似幾正咁，於是我地決定跟風！XD
餐前小食都有兩大碟，仲要味道唔錯。木耳個碟酸酸地幾開胃，青瓜雞絲辣辣地走惹味路線。
先黎軟殼蟹，四大隻卜卜脆！佢配埋個辣汁一食齊，好balance, 唔會覺得好油。
蟹粥真係超正！碗粥同d蟹羔溶合左，重點係隻蟹，勁鮮甜勁多肉！我係不重顧儀態咁拆左差唔多成隻蟹。XD
避風塘蝦，都幾多隻蝦，好惹味。
蒜蓉炒菜，呢個較為普通，但食返d菜balance 下都好。
蒸蟶子係全晚第二愛，蟶子大隻彈牙新鮮，d粉絲同蒜蓉一齊食真係無得頂。
最後係蒸龍躉，呢個真係要趁熱食，魚凍左會冇左個鮮味。
侍應姐姐好好咁幫手分蟹粥，大家唔使爭～
