Video
Read full review
2013-09-15
108 views
哩間野真係差到我要開一個Acc. 寫佢有幾差,琴日公司就揀左哩間野中秋食飯,之前都上黎睇過下D人寫既野架啦, 諗住都係見仁見智啦,點知! 點知! 點知! 真係如寫評所料,首先講下坐位先, 我地坐個張係卡位 306, 但係佢枱上個架呢就係 305,大佬呀, 我地坐係張枱到, 第一眼望就緊係望到個架個Number係幾多架啦,點知你地會錯既姐, 唔通我彎低身去睇你貼係枱側邊個張丁咁大既Number咩,算啦, 當我地真係唔留心, 應該要細心幫佢對埋match唔match 個Number先入紙,咁我地D紙全部都入哂 305 個 Number, 坐左好耐終於有野食黎,但黎個D野食我地都冇點過既, 就同佢講我地冇叫過哩D野食喎,佢就好串咁講 : 306 喎, 張紙係寫 306 號喎, 係你地張枱黎喎我就話 : 唔係喎, 你地個架係 305 喎, 我地唔係 305 咩?佢 : 你地係 306 ! 可能係D同事搞錯左。之後條友拎走D野食就不了了知, 又唔幫我地跟返個枱號,又唔黎野食又唔交代我地係咪要再填過,之後等左一陣我問第2個職員, 同佢講返件事點點點, 我地係咪應該要再填過第2個職員 : 你填返 3
琴日公司就揀左哩間野中秋食飯,
之前都上黎睇過下D人寫既野架啦, 諗住都係見仁見智啦,
點知! 點知! 點知! 真係如寫評所料,
首先講下坐位先, 我地坐個張係卡位 306, 但係佢枱上個架呢就係 305,
大佬呀, 我地坐係張枱到, 第一眼望就緊係望到個架個Number係幾多架啦,
點知你地會錯既姐, 唔通我彎低身去睇你貼係枱側邊個張丁咁大既Number咩,
算啦, 當我地真係唔留心, 應該要細心幫佢對埋match唔match 個Number先入紙,
咁我地D紙全部都入哂 305 個 Number, 坐左好耐終於有野食黎,
但黎個D野食我地都冇點過既, 就同佢講我地冇叫過哩D野食喎,
佢就好串咁講 : 306 喎, 張紙係寫 306 號喎, 係你地張枱黎喎
我就話 : 唔係喎, 你地個架係 305 喎, 我地唔係 305 咩?
佢 : 你地係 306 ! 可能係D同事搞錯左。
之後條友拎走D野食就不了了知, 又唔幫我地跟返個枱號,
又唔黎野食又唔交代我地係咪要再填過,
之後等左一陣我問第2個職員, 同佢講返件事點點點, 我地係咪應該要再填過
第2個職員 : 你填返 306 就arm架啦, 你再填啦
我 : 咁之前個D係咪會取消左架啦? 咪陣間黎double 點食?
第2個職員 : 得架啦, 你照填啦。
好啦好啦, 我聽佢講照填 306 再入紙啦,
又係等左好耐都冇野食, 又係繼續黎D唔係我地叫既野食,
同佢地講, 佢地又黑面對我地, 唔理照放低, 仲要接接聲,
唉, 我地都算啦, 照食啦, 佢地根本就冇心去跟進返個問題, 一路一路繼續錯。
到食物方面,
魚生又唔凍又唔新鮮,
食個鰻魚壽司個鰻魚係腥都好難頂,
根本如果係新鮮就係鮮味而唔係腥味,
炸物、天婦羅哩D 就入面仲係凍既, 即係未炸好就照上枱,
魚生上既時候又唔係排好佢既, 求其放埋一齊就算,
D野食我真係影唔落相,
仲有就係咁大間餐廳可以係水都冇
問佢拎仲要話不如你飲汽水啦,
哩間餐廳員工服務仲衰過澳牛, 我唔明白點解會請哩D員工,
我地係客都要受佢地氣既, 哩D真係比$$買難受,
野食又唔食鮮又唔熟, 既然佢地咁冇心做不如唔好做啦,
求求其其咁就算!
佢地比左張 9 折卡我地, 下次去食就可以用,
真係多謝哂, 就算唔使我比$$, 出埋$$請我去食我都唔會去,
依家坊間咁多放題, 淨係用食物比較, 求其一間都好過哩一間。
Other Info. :
唔知係自己腸胃問題定係間野食既問題，食完夜晚返到屋企嘔左兩次, 朝早又肚柯。之前都食過好多間唔同既放題都未試過有嘔既情況出現，可能個日唔好彩掛。
(The above review is the personal opinion of a user which does not represent OpenRice's point of view.)
Post
