Asobu Bistro (Closed)

聽朋友講呢個熔岩蛋好耐，終於有時間去試試。餐廳比較細，10幾個位同埋都坐得幾密。為左食野，唔理咁多。基本上眼見人人都點熔岩蛋，我估大家都衝著呢個而黎。我揀左個蛋係配咖哩飯，記得好似仲有得揀配蕃茄汁，又或者可以配麵。我要既係日式豚肉熔岩蛋，個蛋單睇賣相已經好吸引。餐廳貼左張熔岩蛋三部曲，好清晰教你點食，我當然好乖跟實。先係蛋係中間介一刀，再左右反開，俾啲蛋好似熔岩咁流出黎，好想讚個蛋，真係整得好滑好好味道，食既時候完全冇覺得太生既感覺。配既係日式咖哩汁，濃濃咖哩味好香，甜而不辣。豚肉煮得夠林夠入味。蛋好似好容易煮，但我一路食一路同朋友研究點先可以整到咁好味道，最後既結論係，想食不如再黎食啦，哈哈。另外我叫左個日式炒雜菜，有茄子、蓮藕、青紅椒、西蘭花等，不過份量多啲就好。