Yummy Delight (Closed)

人多到吖

又到周六停煮日出去搵食
因為想去買單反所以走左過黎食飯
過到黎6點半又已經度度爆棚
都話星期六日要早架啦
對上次黎食都起碼3個月前喇
今日過到黎見佢等2張就等啦
反正成個商場都多人都嘔架喇

豬軟骨二十穀米飯 . 乾到不得了，X華都比佢好食...

我搵到四穀咋喎

沖水仲要咸...落左幾多包呀!!

睇到都唔想食

飲左啖湯底咸到...同中午去食差得遠

八爪魚餅 . 得呢樣好食啲，整走啲汁的話味道就岩岩夠

3個月前中午黎食嘅時候好好多
味道正確唔過火,又夠熱
今日黎到食晚飯情況原全唔同
迫夾冇可能傾私計,左右包抄大排檔咁嘈華
人多到櫈都唔夠坐竟然出動有背摺櫈?!
坐底Order完可以唔洗3分鐘上菜!!
就算一早整定都唔好咁明顯吖
咁樣比我感覺超級差
嘢食同中午比較又乾又咸又唔夠熱
下次如果再食的話一定要中午食先掂
報告完成~~~OVER