天吉屋 (Closed)

我成日攪亂咗呢間同天丼，不過其實我兩間都未食過，因為成日大排長龍，同埋感覺好熱氣咁，所以都無緣一試今日路經朗豪坊，搞掂好手頭上嘅野差唔多7點，所以就決定食埋野先返去，突然諗起呢間店，就決定一個人去食好西先好彩仲早，唔洗排隊，店內位置唔算好大，我一個人就坐喺bar枱，望到師傅同廚房。餐牌唔算好多選擇，我揀咗天吉丼，而佢都有提供牛蒡同蘿蔔小食，同埋無限添加椰菜沙律🥗，打定個底再食飯個飯一嚟到好驚艷丼飯上有滿滿的天婦羅🍤 有兩大隻蝦、魚、魷魚、半熟蛋、茄子、南瓜，影相都靚到不得了！一𠝹開個蛋，流心都不行！天婦羅全部新鮮炸，熱辣辣又脆，但同時又好鬆化，配埋珍珠米超級滿足！好彩我少左飯，一個人食好飽我好想快啲再返嚟食，會成日掛住佢