樂園

Open Now

Now Closed

是日年廿八，同屋企人去黃大仙還神。難得去到黃大仙咁遠，就打算入去九龍城行下，順便去之前食過覺得好好食嘅樂園。一如以往，都係咁多人，都慣。其他熟食檔口就相對冷清，每次去都係咁。咁佢哋要求你先搵位置，然後再去點嘢食，攞單同飛仔返檯等。Okay，無問題。舖頭出名嘛。排隊去到之後，太太想點個炒米粉，佢話佢哋無依樣嘢。Okay，如果你係賣嗮，明白嘅。舖頭出名嘛。但佢係話佢哋無依樣嘢。太太覺得匪夷所思，明明之前果個客有叫依樣嘢；跟住個櫃面黑面，好似我哋無熟讀餐牌，我哋有問題，阻住佢時間。咁我哋無你咁熟個餐牌，好合理嘛。太太叫嘢食果下已經一肚氣真係好少見。最後叫咗個凍紅豆奶茶，凍鴛鴦，兩份沙爹牛肉西多士。兩份多士佢都事先講明要等半個鐘度。西多士喺咁多人嘅情況下都保持水準，其實好叻啦。但係加埋前後等咗一個鐘先有得食，再加埋低質服務，再好食都會打折扣。