Angus Cafe

因要去炮台山睇醫生，睇完都2點幾，見咁多食肆，就揀一間嚟嘅時候多人排隊的。既然是冰室，位置較密，已經預咗，所以冇乜問題，但求食物美味。 冰室提供多種菜式選擇，午餐、下午茶餐，而我見枱面貼的這四款餐頗特別，便揀其中一個（撈麵餐）試吓。

9

碗仔翅先上，味道唔錯，見有好多肉絲及冬菇，而濃度亦啱啱好，不會太稠。惟一問題不夠熱，只是微溫。

跟著牛筋腩撈麵上枱，一望便知中伏。啲醬已凝結，凍嘅。牛筋軟而牛腩只是普通，這碟麵如果夠熱，都只是合格，凍冰冰可以話十分之難食。因趕時間，我求其食少少便算。

餐飲叫了檸茶，正正常常。不過，雖然我這個餐難食，但旁邊客人叫的午餐（腰果雞丁）卻是即炒，望落熱辣辣。