茶古道 (Closed)

今日同朋友行街行到有啲攰，打算買杯嘢飲，見到呢間野買台式茶飲，感覺係比較健康，所以就入去買杯野，之後搵個位坐低啦！好可惜，呢度格局超級奇怪，裏面有幾個座位，而大部份座位都係店舖外面，就喺商場嘅open area！超級多公公婆婆喺度坐，甚至有人喺度坳腳趾撩鼻屎，都冇人趕走佢哋，呢班人全部係冇幫襯，唔知點解唔使幫襯就可以坐喺嗰度，咁反而我呢啲幫襯嘅人冇位坐？點解冇職員可以處理一下？乜呢間店舖係安排啲座位比街邊啲人坐咩？飲品價格偏貴，比起好多連所嘅貴咗20至30%，一杯普通綠茶要$36 ，味道就係好普通嘅茶，超級普通，唔係難飲，不過超級普通。