點紫冰冰 (Closed)

又到食甜品嘅時候,係openrice search到哩間甜品店，立刻出動。哩間甜品都幾多元化，最好嘅係哩到係供應雪皅，並唔係雪糕，絕對啱哂想食甜品但又怕肥嘅女孩子。 見到在埸不少顧客都食緊窩夫，所以都認唔住叫返份。 清清地叫左個芒果凍窩夫配芒果雪皅。兩塊窩夫並唔似台式窩夫咁厚實。窩夫係外脆内軟，帶著薄薄嘅牛油香，作為飯後甜品不會太滯，幾適合。芒果有粒狀同片狀，幸好不會太酸。不過芒果唔夠凍，有點失望。雪皅唔係太重芒果味，比平時食開嘅奶味較重。另外，好鐘意佢隻蜜糖，係清甜味，更能帶出窩夫嘅香味。 另一款試下重口味嘅芒果D24榴櫣撈配榴櫣雪皅。一大球榴櫣雪皅好重榴櫣味，加左奶令雪皅口感更香滑。芒果撈西米露就中規中矩，好傑身同唔夠凍，清清地，中和下濃烈嘅榴櫣味。成碗糖水都幾大份。以前係觀塘食糖水都無咩選擇，希望有多d唔同類型嘅糖水店試下就好。