Video
Read full review
2018-05-22
1129 views
又係OT嘅日子，收工後同事話帶我食魚生飯。餐廳就喺觀塘工業區，過條馬路就到，啱晒餓到就嚟行唔郁嘅我。餐廳裝潢簡單，最大賣點係出面有個露台位，啱晒一大班人收工嚟飲飲食食，不過今日太熱，都係室內嘆冷氣食。【築地壽司杯$148】七種不同的壽司杯 一字排開(嚴格嚟講應該係S字)，陣容鼎盛。兩款吞拿魚蓉配生洋蔥，吞拿魚味濃又香口。三文魚肥美厚切，裡面裝住一堆三文魚籽，鮮美十足。海膽新鮮冇異味，一大啖放入口，爽。【北極光海膽杯$198】餐廳招牌菜之一，一隻杯裝晒多層美味。最頂係白飯魚脆片+海膽+三文魚籽，用脆片兜嚟食，又脆又軟，鮮味十足。下面係三文魚籽，滿載成隻匙更放入口，鮮味爆發。再下層係橙色豆腐狀物體，原來係海膽豆腐，不過可能上層三文魚籽味道濃，所以食唔出豆腐有海膽味道。海膽豆腐下面係松葉蟹肉，啱晒我嗜蟹之人。最後兩層係豆腐+紫薯，甜蜜收尾。【BBQ北海道海鮮拼盤$138】估唔到餐廳仲提供濱燒，有我最愛(之一)嘅甲羅燒、燒蠔、冬菇、扇貝同蟹件，仲送特飲。甲羅燒蟹羔味濃郁，仲有微微嘅烤味，味道更上一層樓，不過配料只有蟹肉，如果加少少蛋汁、香蔥就更香更滑。燒蠔同扇貝都幾鮮甜，如果再大隻啲就perf
餐廳裝潢簡單，最大賣點係出面有個露台位，啱晒一大班人收工嚟飲飲食食，不過今日太熱，都係室內嘆冷氣食。
【築地壽司杯$148】七種不同的壽司杯 一字排開(嚴格嚟講應該係S字)，陣容鼎盛。
兩款吞拿魚蓉配生洋蔥，吞拿魚味濃又香口。
三文魚肥美厚切，裡面裝住一堆三文魚籽，鮮美十足。
海膽新鮮冇異味，一大啖放入口，爽。
【北極光海膽杯$198】
餐廳招牌菜之一，一隻杯裝晒多層美味。最頂係白飯魚脆片+海膽+三文魚籽，用脆片兜嚟食，又脆又軟，鮮味十足。
下面係三文魚籽，滿載成隻匙更放入口，鮮味爆發。
再下層係橙色豆腐狀物體，原來係海膽豆腐，不過可能上層三文魚籽味道濃，所以食唔出豆腐有海膽味道。
海膽豆腐下面係松葉蟹肉，啱晒我嗜蟹之人。
最後兩層係豆腐+紫薯，甜蜜收尾。
【BBQ北海道海鮮拼盤$138】
估唔到餐廳仲提供濱燒，有我最愛(之一)嘅甲羅燒、燒蠔、冬菇、扇貝同蟹件，仲送特飲。
甲羅燒蟹羔味濃郁，仲有微微嘅烤味，味道更上一層樓，不過配料只有蟹肉，如果加少少蛋汁、香蔥就更香更滑。
燒蠔同扇貝都幾鮮甜，如果再大隻啲就perfect。
蟹件有五件，都算多肉，而且預先剪開晒，食得好方便。
【丼瀛龍蝦刺身爆丼$228】
主角嚟啦，大大隻龍蝦拆成兩件鋪滿晒成碗飯。蝦身係拆成一粒粒嘅龍蝦肉再撈埋青瓜粒做龍蝦沙律，蝦肉爽彈青瓜清新。
另外兩個大龍蝦鉗都好多肉，鮮甜juicy。
蝦頭仲有啲蝦羔，我哋當然唔會放過～下面係大大碗魚生飯，有六款魚生，件件新鮮，好飽好飽。
我哋大約七點半到餐廳，一路用餐不斷有客光顧，有唔少係放工過嚟嘅，睇嚟午巿嗰陣都累積咗唔少回頭客。睇返餐牌午餐有七五折優惠，下次就嚟食個lunch先～
Post
